IHM Diary – 10

 

Woh sham… IHM ki har shaam ki tarah nahin thi, ghum ki chaadar odhe sannaate ke saaye mein bilakh bilakh ke ro raha tha har student….
Vacations khatam hokar ek hafta beet gaya tha..

Maya ma’m ka lecture tha….pehli baar unke class mein pin drop silence tha….Maya ma’m ashcharya mein thi ki jinn bachcho ko woh chup kara-kara ke thak jaati thi aur woh chup nahin hote the, aaj wahi bachche unke class mein bina kisi shor sharabe ke baithe hain…..Ma’m ne attendance lena shuru kiya
Anurag?….

Present ma’m!
Bipanshu?…
Yes ma’m!…
Kunal?
Kunal??
Kunal???

Hadd hai! Aaj phir absent! kya ho gaya hai kunal ko? Marr gaya hai kya….class nahin aa sakta….
Tabhi Ek bachche ki phoot phoot kar rone ki aawaaz aayi….
“Ma’m aisa mat kahiye….humara kunal, humara yaar humara KD iss duniya mein seriously nahin raha…usne suicide kar liya ma’m” Jay ne rote rote kaha….
Yeh sunn kar Maya ma’m ke shocked rah gayin….

Yahan Maya ma’m ke class mein dhamaka hua, wahin Taji sir ke class ke beech mein KD ke best friend Nitesh ko yeh chauka dene wali khabar mili….
“Arey Nitesh humne joh suna kya woh sahi hai? Humein toh vishwaas hi nahin ho raha ki KD aisa kar sakta hai…”
“Kya suna bhai tune?” Nitesh ne curiosity ke sath Sarthak se puchha….

“Ki KD nahin raha….usne suicide kar liya…”
“Kya? Kuch bhi bakwaas kar rahe ho.. Yeh nahin ho sakta !! Woh mera sabse achcha dost hai. Main jaanta hoon woh aisa kuch nahin kar sakta…main abhi usko call lagaata hoon”

Nitesh ne KD ko call kiya, par KD ka call lag nahin raha tha…
“Bhai call nahin lag raha…” Nitesh ke paseene chhootne lage
“Haan bhai! Phone bandh hai uska, uncle ko Anurag ne call kiya tha bahut ro rahe the woh…”
Nitesh ke pairon taale zameen khisak gayi…..

Looking For Content Writers

Suraj dhal gaya tha, Chand ki roshani udaasi ke baadalo mein kahi chhup si gayi thi…
Sab Anurag ke ghar pe shok mana rahe the….
“Yeh daru KD ki fav daru thi…..hum saath mein peete the aur zindagi ki sachchaaiyon pe discuss karte the….Aaj se KD ke ghum mein, sirf KD ke liye, daru bandh! ” Nitesh ne rote hue kaha…..

“Tu daru aaj se kabhi nahin peeyega? Kya baat kar raha hai yaar, itna bada tyaag KD ke liye!!! Waaahhhh bhai maan gaye teri dosti ko….”
” Nahin bhai daru peena nahin chod raha….yeh brand ki daaru bandh, upar se KD dekhega ki maine uske liye daaru peena chod diya hai toh bahut dukhi hoga…..jo chala gaya hai us dost ko dukhi nahin kar sakta Main” Nitesh chilla chilla ke ro pada…
” Kaash yeh baat jhoothi hoti aur KD humare saath hota…..KD tu ne aisa kyun kiya ???!!! Teri bahut yaad aarahi hai yaara !! ” Jay daaru ke nashe mein zameen ko peetate hue chilla raha tha….

High Quality Content Writers

Pure college mein yeh baat aag ki tarah phail gayi thi ki KD ab humare beech nahin raha….uske shok mein college ke faculties ne saare bachcho ko ikattha karke do minute ka moun rakhne ka aayojaan porch area mein kiya….

KD ki suicide ki baat har koi college mein maan gaya tha sivaa ek insaan ke…aur woh the humare lecturer Pranay sir….
Saare bachche, faculties porch area mein pahunch gaye the par Pranay sir abhi bhi apne cabin mein baith kar soch rahe the, ki kya yeh sach hai yaa kisi ne ganda mazak kiya hai.

Pranay sir ne phone uthaya aur KD ke number pe call kiya….KD ka phone nahin lag raha tha…”Shayad mein bahut soch raha hoon, Kunal ka phone seriously nahin lag raha hai. Shayad yeh baat sach hi hogi….” Pranay sir khudse hi baat kar rahe the
Pranay sir cabin se nikal kar porch area ki taraf badh rahe the, jab unhein ek unknown number se call aaya. Udhar sabhi porch area mein Pranay sir ka wait kar rahe the….

Pranay sir ne phone uthaya “Good Afternoon Pranay!”
“Good afternoon sir! Aap mujhe phone kar rahe the?”
Pranay sir porch area mein pahunch gaye the sab unki taraf dekh rahe the….ki kab woh phone rakhe aur kab KD ke liye shok prakat kare…. Ek se raha nahin gaya, wo bola

“Yaar humara batchmate nahin raha aur inhe dekho phone pe lage pade hain….”
“Yaar iss college ke logo ka kuch nahin hosakta…”
Saare bachche chid-chid karne lage….
Aur wahi Pranay sir phone pa
r guess kar rahe the ki unhone kisko call kiya tha….
“KD? Tum zinda ho?”
” Kya mazaak kar rahe hain sir….marr gaya hota toh aapse baat kaise karta aur aapko toh dekh bhi nahin sakta….
Yeh dekhiye main aapke saamne khada hoon”

Sab Pranay sir ko dekh rahe the aur Pranay sir KD ko dekh rahe the….
Saare bachcho ne palat ke dekha ki aakhir Pranay sir kisko dekh rahe hai…..
KD door se gate ke paas se haath hila raha tha……

Saare bachche shor machchate hue KD ke taraf bhaage
“KD ZINDA HAI!!! KD ZINDA HAI…..”

KD confuse ho gaya ki akhir yeh sab hokya raha hai…
Abe! Abe !!! Main mara kab tha be ???
Par uski kaun sunne wala tha. Saare bachcho ne KD ko kandhe pe uthaya aur KD ke zinda hone par khoob celebrate kiya….

– Urvashi